تیمرگرہ۔06 جولائی (اے پی پی) پاکستان تحریک انصاف دے چیئرمین عمران خان آکھیے جو کرپشن دے خلاف 22سالاں توں جاری جدوجہد دے چنگے نتیجے سامنڑے آندے پین،ملکی دولت لٹنڑ آلیاں دا پیچھا نہ چھوڑیسوں،کرپشن دے خلاف علم چاونڑ آلی جماعت اسلامی کوں اتحاد کیتے جے یو آئی توں علاوہ بیا کوئی نئیں ملیا، سوات اچ شہباز شریف دی حمایت کرنڑ کرپشن دے خلاف کیہڑی جدوجہد دی کڑی اے؟ جیکر اسفند یار ولی کرپشن نئیں کیتی تاں انہاں کوں ایزی لوڈ کیوں آہدن؟تیمر گرہ اچ انتخابی جلسے نال خطاب اچ عمران خان جتھاں خیبر پختونخوا اچ پی ٹی آئی دیاں کامیابیاں گنڑاوئن اتھائیں اپنڑے سیاسی مخالفین جماعت اسلامی، جے یو آئی اتے اے این پی کوں وی تنقید دا نشانہ بنڑائے۔ انہاں آکھیے جو باوی سال پہلے جیہڑی کرپشن دے خلاف جدوجہد شروع کیتی ہئی او ہنڑ رنگ ڈکھاونڑ پئے گئی اے،حکومت اچ آ تے ملک دا لٹیا ہویا پیسہ وطن گھن آسوں اتے لٹیریاں دا پیچھا نہ چھوڑیسوں۔ انہاں آکھیے جو جماعت اسلامی کوں الائس کیتے جے یو آئی توں علاوہ بیا کوئی نئیں ملیا، مین علما دی عزت کرینداں بھل مولانا فضل الرحمان کوں عالم نئیں منیندا،جماعت اسلامی ڈساوے جو کرپشن دے خلاف نعرے لیندے لیندے سوات اچ شہباز شریف دی کیویں حمایت کیتی اے، ایں واری اساں مولانافضل الرحمان کوں حکومت اچ رلنڑ دا موقع نہ ڈیسوں۔انہاں آکھیے جیکر اسفند یار ولی کرپشن نہ کرنڑ دا دعویٰ کریندے تاں ڈساوے جو اوکوں ایزی لوڈ کیوں آہدن؟عمران خان آکھیے جو اج ہر کوئی کارکردگی دے سوال کریندے ،سندھ اتے پنجاب اچ حکمران لوکاں کوں منہ ڈکھاونڑ جوگے نئیں رہ گئے، حالت اے ہے جو ترقی دا کوڑ اگو آونڑ تے شہباز شریف تمبو اچ جلسے کرنڑ تے مجبور ہین بھل کوئی وی سروے ڈیکھو او خیبر پختونخوا دی علمی ترقی، پولیس اتے صحت دے نظام دی چنگائی ڈسیندے، جڈاں میں نظریے دی گالھ کرینداں تاں ایندا مقصد مدینے دی ریاست ہوندی اے۔
کرپشن دے خلاف 22سالاں توں جاری جدوجہد دے چنگے نتیجے سامنڑے آندے پین،ملکی دولت لٹنڑ آلیاں دا پیچھا نہ چھوڑیسوں،عمران خان
تیمرگرہ۔06 جولائی (اے پی پی) پاکستان تحریک انصاف دے چیئرمین عمران خان آکھیے جو کرپشن دے خلاف 22سالاں توں جاری جدوجہد دے چنگے نتیجے...
