اسلام آباد۔14اکتوبر(اے پی پی)وفاقی وزیر خزانہ و محصولات سینیٹر محمد اورنگزیب آکھیے جو پاکستان اتے بین الاقوامی مالیاتی فنڈ (آئی ایم ایف) وچال اڄوکے ہفتے دے دوران سٹاف سطح دے معاہدے تے دستخط تھیوݨ دا امکان اے، اڄوکے سال دے اختتام توں پہلے یوآن اچ پہلا گرین پانڈا بانڈ جاری کرݨ دی توقع اے۔ انہاں اے ڳالھ واشنگٹن ڈی سی اچ بین الاقوامی مالیاتی فنڈ اتے عالمی بینک دے سالانہ اجلاساں دے موقع تے برطانوی خبر رساں ایجنسی رائٹرز کوں انٹرویو اچ آکھی۔ وزیر خزانہ آکھیا جو آئی ایم ایف مشن گزریل ݙو ہفتے توں پاکستان اچ موجود ہئی اتے پاکستان مقداری اتے ڈھانچہ جاری اہداف دے حوالے نال مشن دے نال ٻہوں تعمیری ڳالھ مہاڑ کیتی اے اتے اساں انہاں نال کُجھ فالو اپ ملاقاتاں وی کریندے پیوں ۔ وزیر خزانہ آکھیا جو امید اے جو ایں ہفتے دے دوران آئی ایم ایف دے نال سٹاف سطح دا ??عاہدہ طے تھی ویسی۔ انہاں آکھیا جو حکومت کوں اڄوکے سال دے اختتام توں پہلے چین دی کرنسی یوآن اچ پہلا گرین پانڈا بانڈ جاری کرݨ دی توقع اے، اے پاکستان دا ??ہلا یوآن اچ جاری تھیوݨ آلا بانڈ ہوسی۔ انہاں مزید ݙسیا جو حکومت اڳلے سال بین الاقوامی مارکیٹ اچ گھٹ توں گھٹ ہک ارب ڈالر دے بانڈز وِکاوݨ دے نال واپسی دا ارادہ رکھیندی اے جیں دی تفصیلات حالی تئیں طے نی تھیاں۔ انہاں آکھیا جو یورو، ڈالر، سکوک، اسلامی سکوک سودھے پاکستان سارے آپشنز کُھلے رکھیے ہوئن۔ وزیر خزانہ آکھیا جو توقع اے جو نجکاری اصلاحات اتے پائیدار معیشت دے ایجنڈے دا اہم حصہ اے اتے آوݨ آلے مالی سال دے اختتام تئیں ایں اچ تیزی آوݨ دا امکان اے۔ محمد اورنگزیب آکھیا جو اے اساݙے معاشی روڈ میپ دا ہک ٻہوں اہم حصہ اے، حکومت ترائے بجلی دی ونݙݨ آلی کمپنیاں اتے قومی ایئر لائن دی نجکاری دے عمل اچ وی پیش رفت کریندی پئی اے اتے ایں حوالے نال اساں کافی پُرامید ہیسے۔ وزیر خزانہ آکھیا جو یورپ اتے برطانیہ دے منافع بخش روٹس ول کُھلݨ دے بعد پی آئی اے اچ دلچسپی رکھݨ آلے اہل سرمایہ کاراں دے امکانات روشن تھی ڳئن جیں نال اے سرمایہ کاراں کیتے ہک ٻہوں پرکشش موقع بݨ ڳئے
متعلقہ مضامین
-
13 dead, 60 injured in Punjab’s severe rain, storms: Rescue 1122
-
ACCA Pakistan brings together industry leaders in Lahore at PLC 2025 to explore AI, Sustainability, and Talent Development
-
Over 1,000 illegal foreign nationals transferred to holding centers in Punjab
-
No handshake at muted Pakistan-India border ceremony amid rising tensions
-
US envoy meets Pakistan’s interior minister amid rising Indo-Pak tensions
-
سپر گولف کورس کی سرکاری تفریحی داخلی راستہ
-
ساؤتھ ویسٹ لاٹری قابل اعتماد بیٹنگ داخلہ
-
447.4mw added in national grid during last three years
-
SC adjourns hearing of Asia Bibis final appeal against execution for indefinite period
-
Pakistan not in favour of arms race in South Asia
-
PIA starts row-wise boarding
-
Bilawal congratulates new Karachi Press Club office bearers